صحيح موسم جدة 2020 اتكنسل، ولسه مافي أخبار رسمية عن إطلاق موسم 2021، لكن هذا لا يعني إنو جدة مافيها فعاليات وأماكن حلوة وجديدة نزورها هذا الصيف. هنا كتبنا مجموعة اقتراحات لوجهات ترفيهية تقدروا تزوروها، ولو عندكم تطبيق SDC، تقدروا تستمتعوا بخصومات حصرية فيها كمان!
نادي مهرة لفروسية السيدات 🐎
https://www.instagram.com/p/CPQr1_Mll2p/
نادي الفروسية هذا، والموجود في أبحر الشمالية، مفتوح للنساء والأطفال ويعتبر من الوجهات المثالية للخيالة أو حتى محبي الأحصنة والي ودهم يتعلموا ركوبها في جدة. نادي مهرة يقدم حصص تعليمية للبنات والأطفال في أعمار مختلفة، ويعتبر مكان آمن يقدر فيه الطفل يتجول في الإسطبل ويتعرف على الخيول (وحتى يتعلم كيف يهتم فيها وينظفها 🧽). إلى جانب مسار التدريب المخصص للأحصنة، نادي مهرة كمان عنده مسبح وصالة رماية. يعني المكان جاهز يعلمكِ السباحة والرماية وركوب الخيل سوا 😍، كل الي عليكِ تتواصلي معاهم وتنسقي زيارتك وتروحي تتعرفي على الفرس اللطيفة غيمة والحصان الإنجليزي كاش وباقي شلتهم في الإسطبل. وإذا أنتِ مشتركة في تطبيق SDC، لا تنسي تستفيدي من خصومات التطبيق على اشتراكات فَلوة، مهرة، وفارس!
نادي مهرة لفروسية السيدات يقدم عروص خصة وحصرية لمشتركي تطبيق SDC! حِّمل تطبيق SDC الآن واكتشف كل العروض المتاحة.
سينيبوليس سينما 🍿
https://www.instagram.com/p/CPGjxrGl9B2/
إذا باقي ما شفت ايما ستون بالباروكة البيضا والسودا في فيلم ديزني الأخير Cruella فايش تنتظر؟ (في ناس بتقول إن الباروكة مو راكبة على راسها بس احنا نشوف إن راس ايما ستون يحِّلي كل الباروكات بكل الألوان 🙄). روح اليوم واحجز تذكرة الفيلم في سينيبوليس سينما، أجدد سينما تفتح في جدة، واتفرج على كرويلا وقرر بنفسك إذا شعرها yay or nay. انطلق للجامعة بلازا ولا تنسى تفِّعل اشتراكك في تطبيق SDC عشان تستفيد من خصوماتنا في سينيبوليس سينما: خصم 25% على التذاكر أو تذكرة كاملة مجاناً (يعني خذ صاحبك معاك وبيدخل بلاش! 🤑).
اشترِ تذكرة فيلم واحصل على الثانية مجاناً في سينيبوليس سينما! حمِّل تطبيق SDC لتحصل على العرض.
صندوق المتاهة 🧩
https://www.instagram.com/p/CHvLC1fL4qQ/
إذا بتدوِّر على فعالية تخليك تتحدى قدراتك العقلية وتعصر مخك وبنفس الوقت تبسطك وتضحكك، فانطلق لصندوق المتاهة MazeBox في حي الزهراء، المكان المثالي لمحبي حل الألغاز والأحاجي. كوِّن فريق مع أصحابك أو أفراد عيلتك وعيشوا مغامرة حقيقية لمدة 60 دقيقة في وحدة من 5 غرف هروب في صندوق المتاهة، كل غرفة لها قصة وثيم مختلف، وطبعاً طريقة هروب مختلفة. حاول مع فريقك تكتشفوا وتحلوا كل الألغاز عشان تقدروا تهربوا من الغرفة قبل ما تخلص الساعة وتخسروا! 💰
صندوق المتاهة بيعطي مستخدمي تطبيق SDC خصم حصري 20% على كل الغرف! حمِّل التطبيق واستمتع بالعرض!
ملعب باونس 🤸🏻♂️
https://www.instagram.com/p/CQbT2ebBaa-/
أطلق البهلوان الي جوتك وكِّون ذكرى بهلوانية ما تتنسى في صالات الترامبولين في فروع باونس في جدة. خذ أصحابك وأهلك واتحدوا بعض على القفز في النطنيطات الممتدة من أول الملعب لآخره! تقدروا تستمتعوا بساعة كاملة من النط والضحك (وإذا تحب تستعرض مهاراتك تقدر تخليها ساعتين🤸🏻). ولأنه النط ماله عمر، ملاعب باونس مفتوحة للكبير والصغير. تقدر تحجز اونلاين أو في نفس الفرع، وإذا حجزت من الفرع فلا تنسى تمسح كود تطبيق SDC عشان يجيك خصم 20% على تذاكر الدخول.
مشتركي تطبيق SDC بيحصلوا على خصم حصري 20% على تذكرة الدخول العام والمميز في ملاعب باونس. اشترك الآن واحصل على هذا الخصم وعروض كثيرة أخرى!
بووست 🕹️
https://www.instagram.com/p/CPyi4aLFt90/
مركز ترفيهي خطير ومعروف للجداوية، كان أول اسمه سماااش وغير اسمه وهويته لـ بووست في 2020. ديكور وألعاب المركز الجديدة والمبتكرة بتاخدك لعالم ترفيه خيالي. انطلق لقسم ألعاب الواقع الافتراضي واكتشف كل الألعاب الي ما تلاقيها إلا في بووست (لازم تجربوا الـ Finger Coaster 😲🎢)! وإذا تحب البولينغ، بووست مجهز صالة بولينغ بألوان وإضاءة رهيبة. بووست كمان بيقدم وجبات متنوعة ولذيذة للزوار عشان تشحن طاقتك في نص اللعب.
ودك برصيد مجاني يصل لـ 500 في بووست؟ و خصم 20% على الحفلات الخاصة؟ حمِّل تطبيق SDC وجرب كل العروض!
ماربل سلاب 🍨
https://www.instagram.com/p/CLZi2cDFbuY/
وعشان الصيف السنة دي مولِّع أكثر من العادة 🔥، ماربل سلاب موجود عشان يبِّرد على قلوبنا حرارة جو جدة. حلِّي صيفك مع آيسكريم مُحضر فرِش وبنكهات مميزة ما تلاقيها إلا عند ماربل سلاب. المكس المفضل عندنا نكهة البيرثداي كيك (ما ندري ليش سموها بيرثداي للأمانة بس ندري أنه لذتها سبب للاحتفال 😋) مع قطع التوت الطازج ورقائق الكورن فليكس المقرمشة. زور ماربل سلاب أي يوم واختار من مجموعة النكهات والإضافات الي تناسب أذواق كل الجداوية واستمتع بألذ آيسكريم.
احصل على خصم 20% عند كل زيارة لماربل سلاب في السعودية فقط عن طريق تطبيق SDC. اشترك الآن!
