القطاع التقني في السعودية بيتطور بشكل سريع ومدهش، وأغلب القطاعات سواءاً حكومية أو خاصة بتشارك بهذا التحول التقني. تطبيقات جوال ذكية ومنصات إلكترونية بتطلع كل فترة عشان تسِّهل حياتنا، وفعلاً إذا استخدمناها صح، بنلاحظ قد ايش سهلت علينا مهام كنا تستصعبها. هنا قائمة صغيرة بتطبيقات نعتقد إنها تهم أي شخص عايش في السعودية، فإذا أنت في السعودية ولسه ما حملت هذه التطبيقات، ايش تنتظر؟
كمِّل قراءة لآخر القائمة وبتلقى التطبيق الي يعطيك خصومات حصرية في كل التطبيقات المذكورة في هذه التدوينة!
هنقرستيشن 🍔
https://www.instagram.com/p/CPTLyMOA90E/
سواءاً يعجبك الأناناس على البيتزا أو تشوف الهبة مهينة لمكانة هذا الطبق الإيطالي العالمي، متأكدين إنك بتلقى الإضافات والصلصات الي تناسب ذوقك وبيتزتك في هنقرستيشن. مع أكثر من 10,000 مطعم وكافيه مستعد يوصلك طلبك في أكثر من 80 مدينة، هنقرستيشن يعتبر وبلا منازع من أشهر وأفضل تطبيقات توصيل الطعام في السعودية. اطلب لك شاورما، سوشي، بيتزا (بأناناس أو بدون) أو أي وجبة مشتهيها من هنقرستيشن وبتوصلك طازجة لحد بيتك في أسرع وقت.
مشتركي تطبيق SDC بيحصلوا على خصم 50% للحسابات الجديدة في هتقرستيشن و 15% كاش باك للمستخدمين الحاليين. حمِّل التطبيق الآن واحصل على البرومو كود.
تطبيق غازابل ⛽
https://www.instagram.com/p/CMem4stBG0B/
الأغلب بيميز اسطوانة الغاز البرتقالية الي تجيك ثقيييلة حتى لو فاضية (وغالباً لونها يصير رايح على رمادي من كثر ما مرت بناس وبيوت). تطبيق غازابل يريحك من ثقل الاسطوانة ونقلها من بيتك لحد محل الغاز عشان تعبيها وترجعها لبيتك. بنقرات بسيطة بجوالك، تقدر تعيد تعبئة اسطوانتك أو تطلب اسطوانة جديدة من محلات الغاز في منطقتك وتجدول الوقت المناسب عشان توصل لين عندك!
مشتركي تطبيق SDC بيحصلوا على خصم 25% في تطبيق غازابل. اشترك اليوم!
تطبيق فني
https://www.instagram.com/p/CHxvpX1lx3f/
تطبيق فني مُصمم عشان يريحك من مشاوير الصيانة الي ما تخلص. فكرته باختصار إنه يوصلك بمقدمي خدمات الصيانة في منطقتك، سواءً كنت تدور صيانة أجهزة منزلية، مكيفات، صيانة جوالات، سباكة أو نجارة وغيرها من خدمات الصيانة. بخطوتين بس تقدر تحصل على أفضل خدمة صيانة في منطقتك مع تطبيق فني، يعني لو مكيفك -لا سمح الله- خرب في عز حر الصيف، لا تشيل هم مشوار التصليح، وحمِّل تطبيق فني.
استمتع بخصم 10%-20% في تطبيق فني من خلال الاشتراك في تطبيق SDC. جرِّب التطبيق اليوم!
ديلي ميلز 🍲
https://www.instagram.com/p/CPlqpfWLj7r/
إذا كنت طالب أو موظف ومشغول ما تقدر تطبخ أكلك بنفسك، أو ماشي على دايت معين وكل خيارات الغداء حولك بتخرب الريجيم، تقدر تشترك بتطبيقات توصيل الأكل الصحي الي توفر أطباق متوازنة وكافية تناسب الكل. تطبيق ديلي ميلز هو الأشهر في هذا المجال في السعودية. اختار الباقة المناسبة لنظامك الغذائي سواءً تفضل دايت صحي أو كيتو وبتوصلك وجبتك طازجة ولذيذة لحد باب بيتك.
مشتركي تطبيق SDC بيحصلوا على خصم 20% على اشتراكات ديلي مليز. حمِّل التطبيق!
تطبيق SDC 💰
https://www.instagram.com/p/CPL6tOZl7ye/?utm_source=ig_web_copy_link
إذا أنت من الناس الي مصاريفهم كثير وما تقدر تمسك يدك، تطبيق SDC بيساعدك توفِّر فلوسك طول السنة مقابل رسوم اشتراك رمزية. من خلال الاشتراك في التطبيق، بتحصل على خصومات وعروض حصرية على مشترياتك وطلباتك من أكثر من 500 علامة تجارية سواءاً في المملكة أو اونلاين. يعني لو أنت راعي مطاعم وكافيهات، بتلقى خصومات توصل لـ25% على فاتورتك في أشهر المطاعم العالمية والمحلية زي اوت باك ستيك هاوس، توينا، وكامي وأكثر من 200 مطعم. وإذا تحب التمشية والطلعات، تطبيق SDC بيقدملك عروض مميزة في وجهات الترفيه والسينما. لتصفح كل العروض، حمِّل التطبيق وابدأ فترتك التجريبية!
